طريقتي في قلي الشطون بنين وصحي

حبيباتي 
بغيت نوريكم طريقتي فقلي الشطون الي معتامداها دائما
اول حاجة مكنستعملوش الزيت بزاف
ثاني حاجة الطريقة سهلة وصحية
ثالث حاجة بنين ومغتشبعوش منو

المهم عندي كيلو الشطون جديد زولت لو الراس والاحشاء وغسلتو وخليتو يقطر 

  ثم تبلتو بالعطرية التحميرة الكامون القزبور يابس الخرقوم الثومة الملح معلقة صغيرة مطيشة الحك
تقدرو تزيدو نص معلقة الموطارد وشوية الزعتر الى كانو عندي كنديرهم

كنخلط الشطون بالعطرية ونخليه شوية

 من بعد كندوزو فالدقيق وكندير فالمقلة غير شي جوج او ثلاثة معالق كبار ديال الزيت وكنستف الشكون وحدا عكس الاخرى حتى نعمر المقلى

 كنخليه يتحمر من تحت ومين نبغي نقلبو كندير لو فحال الطرطية كنقبط غلاقة ديال شي كاميلة ونديرها على المقلى ونقلبو يتحمر على الجهة الاخرى هادي طريقة ساهلة عوض منبقى نقلب وحدة بوحدة

هل أعجبك الموضوع ?