شنيك بحال ديال المخبزة كيجي رائع بالصور

مقادير الشنيك بحال ديال المخبزة

نصف كيلو طحين فورص

4 معالق كبار سنيدة

1 فاني

1 بيضة

ربع معلقة صغيرة الملح

2 معالق كبار خميرة الخبز

2 معالق كبار الزبدة او (50 غرام)

1 خميرة الحلوى

قليل من الماء الدافىء
لتوراق العجين

200غرام الزبدة مخلطة ب1 خميرة و1 فاني
للحشوة
كريم باتسيير
الفواكه المرقدة
اصفر البيض لدهن شنيك
طريقة تحضير شنيك بحال ديال المخبزة بالصور
كنخلطوا جميع مقادير العجينة اللي دكرت اضافة الماء الدافىء حتى تتجمع و ندلكوها مزيان

تم نقسموها الى 6 كويرات متساوية

كناخدوا كل كويرة و نبسطوها و نورقوها بخليط الزبدة مع الخميرة و الفاني و

 نشكلوهم بحال المسمنة

و هكدا بالنسبة للكويرات كلهم

 تم نبسطوا المربعات و نديرو واحدة فوق واحدة و احنا كنديرو الزبدة حتى نكملوا المربعات كلهم و نكملوا خليط الزبدة خاص داك 200 غرام الزبدة كلها تدخل في العجين اثناء التوراق
نخليهم يرتحوا شوية باش يسهال علينا نسرحوها تم نعملو الكريم باتسيير و الفواكه المعسلة و نلويو المربع ديالنا

 تم الى الفريكو حتى تقساح لينا العجينة باش تجينا ساهلة في التقطاع من بعد نخرجوها و نقطعوها على شكل دوائر بالخيط تم نوضعوهم في لاطة مدهونة و نخليوهم حتى يخمروا شي ساعة

تم ندهنوهم باصفر البيض تم الى الفرن
من بعد كندهنهم بشوية العسل و ندرردروا عليهم شوية اللوز

هل أعجبك الموضوع ?