السفة المدفونة بمظر مختلف بالصور
مرحبا بكم
موقع عالم النساء يقدم لكم
السفة المدفونة
طريقة تحضير السفة المدفونة بالصور
مقادير وطريقة تحضير السفة المدفونة بالصور
نرطبو شوية ديال الزبيب في الماء
نصلقو شوية لوز ونفسخوه ونقليوه نهرمشوه ولكن نخليو منو شي حبات صاينين للزواق
كنديرو الدجاج في الكوكوت وعليه الزيت( شوية رومية وشوية بلدية) بصلة مشلظة +ملح +بزار +خرقوم +سكينجبير +شوية سمن +1 توم محكوك +الربيع ليبغيتوه مربوط او مفروم نترك الكل يتشحر شوية من بعد نروي غير القياس لي يطيب الدجاج وباش تكون المريقة خاترة وواقفة من بعد نسدو على الدجاج يطيب
منين يطيب الدجاج نزولوه من الكوكوت ونخليوه يتسقطر تم نفرتتوه بحال الى باغيين نديرو بسطيلة
ناخدو بصلة نقطعوها على شكل هلالات ونديروها في كاسرونة ونضيفو ليها الزبيب بعد ما صفيناه من الماء+ملعقة من السمن+شوية الملح+سكينجبير+لبزار+عود الديال القرفة كنخظو المرق من الكوكوت ونضيفوها لتفايا ديالنا كنخليو البصل حتا يطيب عاد نضيفو ليه السكر ونتركه يتعسل ومنين نقربو نطفيو عليه نرميو راس الموس من الزبدة
 |
السفة المدفونة بمظر مختلف بالصور |
نمرو للسفة الشعرية ندهنوها بالزيت ونديروها تفور مزيان
 |
| السفة المدفونة بمظر مختلف بالصور |
 |
| السفة المدفونة بمظر مختلف بالصور |
ومنين تتشرب شوية الما الطايب وتكون دفات شوية نحيدو ليها الفائض من الماء ودلك بتصفيتها فشي شبكة او في الكسكاس نفسه
تم نرجعوها تفور الفورة التانية
ونفس العملية منين تفور نضعها في القصرية ونسكب عليها الماء الطايب غير القياس باش تا الشعرية تشرب
 |
| السفة المدفونة بمظر مختلف بالصور |
 |
| السفة المدفونة بمظر مختلف بالصور |
تم نرجعوها تفور مزيان للمرة التالتة والاخيرة
منين نبغيو نقدموها كنقلبو الشعرية في القصرية ونعاودو نديرو ليها شوية زبدة في وسط الشعرية باش دوب مع السخونية ونغطيوها بشي منديل حياتي شي 5 دقائق تم نحلوها بايدينا بديك الزبدة لي كنا درنا فيها من بعد
ناخدو طبسيل الطاوس نضع فيه فرشة ديال السفة تم الدجاج المفرتت والتفاية
 |
| السفة المدفونة بمظر مختلف بالصور |
مخلطين ونرشو باللوز المهرمش
ونغطيو الكل بالشعرية ونزوقوها بالسكر والقرفة واللوز المهرمش وكدلك اللوز الصحيح
 |
| السفة المدفونة بمظر مختلف بالصور |
وهذا الشكل النهائي للسفة المدفونة
