كرواصة بالكفتة ديال الدجاج والبيشاميل سهلة
موقع عالم النساء يقدم لك سيدتي كرواصة بالكفتة ديال الدجاج والبيشاميل سهلة
مقادير وطريقة تحضير الكرواصة
اللي ماتتعرفش طريقة عجين الـ 10 دقائق :
* عجينة العشر دقائق بالصور *
هاد العجين هي باش غادي نعملو كرواصة بالكفتة ديال الدجاج
الحشوة درت بصلة تشحر و ضفت لها التوابل ليبزار + ملح + معدنوس + شي 3 معالق كبار و ضامة كنور ديال الثوم و زدت على هادشي كفتة د الدجاج الصور غادي توضح لكم أكثر
البصلة ملي تشحرات
ضفت الكفتة ديال الدجاج و خليتها حتى تشحرات مزيان
ضفت قطيرة د الزيت البلدي حيث أنا كانشحر البصلة غي فالما بلا زيت الريجيم هههه
هنا ملي تشحرات خويتها تبرد شوية فجبانة كبيرة
وجدت لصوص بيشاميل على ما أظن كولشي بارع في تحضيرها نسيت ما صورتها
طلقت العجينة دائرية و قطعتها بالموس مثلثات بحال لي واضح فالصورة
درت شوية د لصوص بيشاميل
وحطيت فوقها شوية د الكفتة بحال لي فالصورة
و طويتها بحال كرواصة و حطيتها فطاوة مدهونة بالزيت
دهنتها بالبيض و شوية د اللجلجلان
باش زينتها و ها النتيجة و كاتجي بنينة بزاف
بالصحة والعافية
